Зошто либидото е намалено по породувањето?

За време на доењето се зголемени вредностите на хормонот пролактин, кој ги стимулира дојките да произведуваат млеко, како и на окситоцинот. При доењето, окситоцинот ги стега мускулите околу млечните жлезди и на тој начин директно го истиснува млекото низ ареолата и брадавицата, а истовремено предизвикува чувство на опуштеност, нежност, задоволство и приврзаност. Овие чувства секогаш се јавуваат кога нивото на окситоцин е зголемено. Мајката која дои треба да ја препознае целта на овие чувства, да им се препушти и доењето на своето дете истовремено да го искористи за одмор, опуштање и поврзување со бебето. Истовремено, мајката своето задоволство му го пренесува на бебето - окситоцин добива и бебето преку мајчиното млеко, па оттука овој пар станува поопуштен и посмирен. Овој хормон кај мајката развива засилено чувство на грижа за нејзиното бебе, како и блискост со него. Токму тоа е причината зошто сè уште не е воспоставен нормален менструален циклус. Штом менструалниот циклус се нормализира, ќе се врати и либидото.