Зошто бебе од месец и пол лапаво јаде и плаче од грчеви?

Кај бебиња кои лапаво јадат често доаѓа до голтање воздух при хранењето, што може да биде причина за грчеви, болки во стомакот и плач, обично проследени со грчење на ножињата. Пробиотиците можат да помогнат, но кај некои бебиња ниту еден препарат не помага, а грчевите обично сами поминуваат по третиот месец. Многу важна информација е како бебето напредува, какви му се столиците и однесувањето по хранењето. Затоа е препорачливо да се направи преглед кај педијатар, кој врз основа на целосната анамнеза и преглед на бебето најдобро ќе процени дали станува збор само за грчеви или се потребни дополнителни анализи и прегледи.