Зголемена креатин киназа (203 U/l) во бременост - што значи тоа?

Покачени вредности на креатин киназата можат да се јават кај лица кои интензивно се занимаваат со спорт (напорни вежби, тренинзи, маратонски трки), а исто така можат да бидат поврзани со мешана болест на сврзното ткиво, екстензивна рабдомиолиза, хипотермија, како и кардиолошки проблеми како кардиомиопатија, инфаркт на миокардот, миокардитис, перикардитис, мускулна дистрофија, дефибрилација на срцето или операции на срцето. Бидејќи станува збор за релативно благо покачени вредности на креатин киназата, потребно е да се направат дополнителни испитувања, како кардиолошки преглед за да се провери функцијата на срцето, и да се договорите со надлежниот гинеколог за понатамошно следење на бременоста. Бременоста секако не е загрозена, но е добро да се следи вашето здравје.