Зачестени главоболки - кои се можните причини?

Најчестата причина за главоболки се промени во крвниот притисок, но можни се и други причини. Главоболката може да настане поради покачен или снижен крвен притисок, евентуално анемија (која се утврдува преку вредностите на хемоглобин во крвта), можна употреба на одредени лекови или алкохол, а понекогаш се поврзува и со промени во вратниот дел на вратниот столб (наведната глава напред) или со спазам, односно грч на вратните мускули. Според локализацијата, главоболката најчесто започнува во потилочниот дел. За лекарите, особено за неврологот, е важно да се знае дали главоболката е пулсирачка или во вид на стегање, дали е остар или тап карактер, дали пречи светлина, бучава или мириси, дали е придружена со мачнина и слично. Се препорачува да се провери крвниот притисок, да се направи крвна слика, и да се направи ултразвук на вратот со посебен осврт на вертебралните артерии. По добивањето на резултатите, треба да се посоветувате со невролог.