Вртоглавица, звонење во ушите и лупање на срцето по царски рез - што може да биде причина?

Во овој период причините за вашите тегоби можат да бидат последица на замор, зголемени напори околу опоравувањето од царскиот рез и негата на детето, но постои можност и за органски причини, кои би можеле да се утврдат со лекарски преглед. Можно е и да сте малокрвни по породувањето и царскиот рез, па е добро да проверите крвна слика. Што се однесува до болките во вратот и другите тегоби, покрај прегледот, препорачувам малку повеќе одмор и помош во домашните обврски и негата на детето, бидејќи и на вас ви треба време да се опоравите. Препорачувам да се јавите кај својот избран лекар од општа медицина, кој врши општ преглед, превенција и лекување, и кој ги согледува целокупната состојба и сите поврзани лични и семејни фактори.