Топче во градите - што може да значи?

Со оглед на тоа што топчето се опишува во десниот дел на градата, може да се работи за воспален млечен канал, за масно ткиво во градата, односно липом, циста и слично. Најдобро би било прво да се направи ултразвучен преглед на градите, за да се утврди за што точно се работи, а потоа да се пристапи кон соодветна терапија. Доколку лекар специјалист или радиолог процени врз основа на ултразвучниот наод, потребно е да се направи и мамографија. Постои класификација на промени во градите, позната како BI-RADS класификација. Промени од категорија 2 според таа класификација се сметаат за бенигни, но сепак бараат понатамошно следење.