Што значи зголемен број на протеини во крвта?

Постојат повеќе причини за хиперпротеинемија (зголемена количина протеини во крвта), а и повеќе методи со кои се одредува количината на протеини во крвта. Само врз основа на овој податок, за жал, не може да се каже многу повеќе. Општо, до зголемени вредности на протеини во крвта може да дојде поради: 1. Хемоконцентрација (намален удел на вода во плазматската течност), чија причина може да биде дехидратација — намален внес или зголемен губиток на течност. 2. Зголемена концентрација на специфични протеини — потребни се дополнителни анализи. 3. Зголемена концентрација на моноклонални имуноглобулини. Секако е потребно да се продолжи со понатамошни испитувања за да се добијат конкретни податоци.