Што значи треперење на рацете и целото тело во стресни ситуации?

Треперењето, односно тремор, претставува несвесно и неконтролирано потскокнување на мускулите на некој дел од телото. Најчест облик на тремор е треперење на рацете, но може да се јави и како треперење на вилицата, главата, нозете, а најретко - на целото тело. Кај млади луѓе најчесто се работи за физиолошки тремор кој се јавува како последица на силни емоции, страв или анксиозност, а тоа е сè почеста појава кај младата популација. Може да се каже дека ова е нормална појава, бидејќи се јавува кај сите луѓе кога се изложени на стресна ситуација и обично е привремена. Сепак, тремор може да биде и последица на некои посериозни состојби и болести, па се препорачува да се обратите кон невролог, кој ќе изврши преглед, ќе утврди точна причина за треперењето и, доколку е потребно, ќе воведе соодветна терапија.