Што значи покачен CK ензим (околу 700) при уредни наоди на срцето?

Покачувањето на CK ензимот кое трае подолг временски период не укажува на итна состојба и најверојатно не потекнува од срцето. Овој ензим може да биде покачен кај многу болести и нарушувања, како на пример: болести на црниот дроб, мускулни болести (мускулна дистрофија, дерматомиозитис), по физичка активност, по примена на интрамускулни инјекции, кај намалена функција на штитната жлезда, по хируршки интервенции и слично. Доколку немате никакви симптоми, се препорачува само да го следите нивото на CK ензимот. Доколку дојде до негово понатамошно покачување или почувствувате некакви тегоби, тогаш е потребно да се направат дополнителни испитувања согласно тегобите.