Што значи покачен билирубин?

Може да се работи за примарна хипербилирубинемија, но не би требало да предизвикува болка. Затоа е потребно понатамошно испитување кај хирург и гастроентеролог. Најпрво треба да се направи комплетна лабораториска анализа: седиментација, ККС, ЦРП, гликемија, уреа, креатинин, билирубин директен и индиректен, холестерол, алкална фосфатаза, АЛТ, АСТ, амилаза, липаза, железо, вкупни протеини, албумини и преглед на урина. Пожелен е и преглед кај хематолог. Можни се различни здравствени нарушувања, па треба да се испита состојбата на црниот дроб и панкреасот, да се исклучат болести на крвта, како и болести на други органи што можат да предизвикаат компликации врз црниот дроб.