Што значи бол под левата дојка, трнење на рацете и нозете и посинети усни?

Болката која ја чувствувате може да е со срцево потекло или да е невралгија, особено ако имате проблеми со кичмата. Посиненоста на усните е сериозен симптом и укажува на недостаток на кислород во крвта, што се јавува кај срцеви, белодробни и други заболувања. Со оглед на позитивната фамилијарна анамнеза и наведените симптоми, добро би било да се обратите кај лекар и да направите подетални испитувања – лабораториски анализи, ултразвук на срце, тест на оптоварување, а по потреба и холтер ЕКГ.