Што значи благо покачен креатинин од 110 во крвната слика?

Вредноста на креатинин е близу горната граница и не е претерано покачена. Резултатите од овие биохемиски, односно лабораториски параметри најчесто се очитуваат компјутерски, а осетливоста на овој дијагностички параметар е зголемена. Советот е да се внесува доволно течност за да се стимулираат бубрезите да ја филтрираат крвта, а потоа да се повтори анализата. Можно е да е во прашање некоја инфекција, камен во бубрезите, оштетување на бубрезите предизвикано од лекови, или зголемен внес на креатинин преку исхраната (додатоци). Постојат и други можни причини, но најчесто не се работи за нешто сериозно. За да се исклучат сите потенцијални причини, препорачливо е во договор со надлежен лекар да се направи анализа на урина со седимент и уринокултура, како и ултразвучен преглед на уринарниот тракт (евентуално и на простата), а понатамошните чекори да се одредат во зависност од тие наоди.