Што предизвикува зголемени гасови во цревата кај дете?

Гасовите во цревата можат да настанат ако при јадење или пиење течности навлезе воздух во нив, како нормален нуспроизвод на бактериите во процесот на варење на храната, поради внесување на намирници кои содржат супстанции тешки за варење (грав, леќа, фруктоза и сорбитол кои се наоѓаат во овошјето, а се користат и како засладувачи). Млечните производи кои содржат лактоза можат да предизвикаат гасови поради зголемена чувствителност на лактоза. Зголемените гасови во цревата можат да укажуваат и на пробавни нарушувања како целијакија, пептички улкус, алергија на храна и слично. Советуваме да се обратите до педијатар за да се утврди точната причина за зголемените гасови и евентуално да се вклучи соодветна терапија. До тогаш избегнувајте тешка храна, млеко и млечни производи, а исхраната нека содржи повеќе свежо и варено зеленчук.