Што покажува рендгенски снимок на стопалото кај петна острога?

На профилен рендгенски снимок се гледа коскена израстока (calcar calcanei) на петната коска. Таа претставува испакнатина на петната коска која најчесто настанува како резултат на долготрајно механичко оптоварување. Болката обично се јавува при потпирање на ногата на подлога, по спиење или подолго седење. Почесто се јавува кај дебели луѓе, кај жени по 40-тата година, кај спортисти и кај лица чија работа бара долготрајно стоење. Лекувањето во повеќето случаи е неоперативно и вклучува физикална терапија. Најдобро е да се консултирате со вашиот лекар, кој ќе предложи понатамошен третман.