Што може да предизвика болка во горниот дел на стомакот?

Советувам прво да се јавите на преглед кај надлежен лекар за да ве прегледа. Палпаторна болна осетливост во предел на епигастриумот може да укажува на проблем со желудникот (веднаш под градната коска), а под десниот ребрен лак - со црниот дроб или жолчното кесе и слично. Секако, препорачувам да направите биохемиски анализи - AST, ALT, GGT, директен и индиректен билирубин (за да се испита функцијата на црниот дроб), уреа и креатинин (функција на бубрезите), како и албумини, вкупни протеини, LDH и слично. Може да направите и ултразвук на стомак со осврт на желудникот, како и на евентуално постоење на гасовитост во организмот, која може да го притиска дијафрагмата и да доведе до тегоби какви што ги опишувате (краток здив). Сите понатамошни дополнителни испитувања можете да ги договорите со вашиот надлежен лекар (анализа на H. pylori, евентуално кардиолошки опсервации, пулмолошки и слично).