Што е хепатична енцефалопатија и како се лекува?

Чест причинител на хепатичната енцефалопатија се одредени влошувачки фактори, кои затоа мора да се отстранат (прекин на гастроинтестинално крварење, електролитни нарушувања). Акутно настаната или хронична хепатична енцефалопатија понекогаш може да биде обратливо нарушување. Кога црниот дроб е неоштетен, тој отстранува речиси сиот амонијак од крвта, претворајќи го во уреа и глутамин. Лекувањето е насочено кон намалување на цревното производство на амонијак или кон неговото поинтензивно отстранување. Намалувањето на белковините во исхраната е една од првите мерки за справување со енцефалопатијата. Внесот на белковини не треба да надминува 70 g дневно, а точната количина зависи од степенот на енцефалопатијата. Земањето перорални антибиотици намалува производството на амонијак во цревата преку елиминација на цревната флора. Лактулозата е лек од избор при хепатична енцефалопатија - го закиселува цревниот содржај, што ја забрзува перисталтиката и го намалува бројот на бактерии. Примената на орнитин аспартат го зголемува отстранувањето на амонијакот од крвта преку процесот на уреагенеза, како и синтезата на глутамин од амонијак. Примената на аминокиселински соединенија со разгранети синџири доведува до конкурентна инхибиција на минувањето во централниот нервен систем на ароматични аминокиселини, кои се предвесници на инхибиторни невротрансмитери. Флумазенил, како антагонист на бензодијазепинските рецептори, се примени во хепатична кома, но со делумен успех - одговорот на лекувањето е позитивен во првите неколку минути, но лекот нема подолготраен ефект. Со инхибицијата на бензодијазепинските рецептори се блокираат и ГАБА-рецепторите, што е услов за пораст на ексцитаторните неврони. Според некои автори, внесот на цинк има значење во намалувањето на енцефалопатијата, како и примената на мелатонин, кој помага во нормализирање на циклусот сон-будност.