Силна главоболка и гадење по интензивни вежби за јакост - што може да значи?

Главоболките можат да бидат значајни доколку се јавиле поради траума или инфекција, но доколку сте инаку целосно здрави, а главоболката се јавува при потешки физички активности, голема е веројатноста дека е предизвикана токму од физичкото напрегање. Не треба премногу да се загрижувате, но е препорачливо да одите на преглед кај надлежен лекар, со цел да се утврди дали можеби станува збор за покачен крвен притисок. Исто така, добро е да се направи целосен неуролошки преглед кај невролог, бидејќи одредени симптоми кои на луѓето им изгледаат безначајни, за лекарите можат да укажат на конкретна причина. Препорачливо е да се направи и офталмолошки преглед, како и ОРЛ преглед за да се исклучи проблем со синусите, редовно да се контролира крвниот притисок и да се води дневник на главоболките доколку продолжат да се јавуваат. Со сите тие наоди потоа треба да се оди на преглед кај невролог.