Постојано висок ЦРП со губиток на тежина и Бејкерови цисти на нозете - на што може да укажува?

Потребен е детален лекарски преглед, најдобро најпрво кај избраниот лекар или интернист, а потоа и понатамошно детално испитување. Врз основа на лекарскиот наод ќе се знае во која насока треба да се испитува. Постои извор на воспалителен или друг процес во организмот. Треба да се испита и дали постои неоткриено малигно заболување, имајќи предвид на опишаната состојба. Најчести малигни заболувања со скриена клиничка слика се туморите на белите дробови, градата, грлото на матката, јајчниците, матката, дебелото црево, желудникот и слично. Според тоа, треба да се започне со општ преглед и детална анамнеза, односно разговор со пациентот за сегашните и минатите болести и тегоби, лично и во семејството.