Колку често треба да се прават системски прегледи?

Системски преглед кај избран лекар треба да се прави еднаш годишно, со ЕКГ, лабораториски анализи и други основни дијагностички процедури. Во тоа спаѓаат и насочени превентивни прегледи за да се процени кардиоваскуларниот ризик, ризикот од шеќерна болест, ризикот од менталните нарушувања, како и ризикот од карцином на дебелото црево, дојка и простата. Ултразвук на абдомен може да се прави секоја година. Колоноскопија не се прави рутински доколку прегледот на столица на окултно крварење е негативен и доколку гастроентерологот не постави индикација за тоа. Ризик од малигни болести постои и во раната животна доба, но е генерално помал отколку кај постарите лица.