Кој е најдобар лек или пристап кај автоимуна болест на црниот дроб?

Многу е важен здрав начин на живот - без алкохол, тутун, конзерванси, сувомесни производи и други преработки. Потребна е редовна умерена аеробна физичка активност и здрава исхрана, претежно варена храна, без животински масти. Препорачливо е значително да се намали внесот на месо, со мала количина варено посно месо (телешко, јунешко или пилешко бело месо), бела риба печена во фолија, доволно зеленчук и овошје со намален внес на легуминозни растенија, ореви и лешници, како и конзервирано овошје и зеленчук. Треба да се избегнуваат торти и ролати, а дозволени се колачи од млеко и пудинг, обрано млеко, кефир и јогурт. Од лековите, може да се препорача силимарин како билен лековит препарат. Задолжително е детално испитување кај гастроентеролог-хепатолог.