Кои се причините за зголемени вредности на креатин киназа (CK)?

Зголемените вредности на креатин киназа може да се јават кај лица кои интензивно се занимаваат со спорт (напорни вежби, тренинзи, маратонски трки), а исто така можат да бидат резултат на мешана болест на сврзното ткиво, екстензивна рабдомиолиза, хипотермија, како и кардиолошки проблеми како кардиомиопатија, инфаркт на миокардот, миокардитис, перикардитис, мускулна дистрофија, дефибрилација на срцето или операции на срцето. Со оглед на високите вредности на креатин киназата, потребно е да се направат дополнителни испитувања, вклучувајќи кардиолошки преглед за проверка на функцијата на срцето, како и невролошки преглед доколку постојат придружни тегоби како грчеви и затегнатост на мускулите.