Како се пренесува стомачен вирус?

Постојат повеќе видови вируси кои можат да предизвикаат гастроентерит, а исто така причинители можат да бидат и бактерии и паразити. Кај вирусните заболувања инкубацијата обично трае од 12 часа до три дена. Имунитетот по вирусен гастроентерит е обично делумен, специфичен за одреден сој на вирус и краткотраен. Најважна е превенцијата, што значи изолација на детето од болните лица и добра хигиена, а во случај на заболување потребна е рехидратација и лекарски надзор.