Како се лекуваат стравот и анксиозноста?

Вашиот проблем може да се реши со лекување кај психијатар, психолог, психолошки советник или психотерапевт. Психијатарот лекува најчесто со фармакотерапија, додека психологот, психолошкиот советник и психотерапевтот работат преку серија разговори. Психотерапијата обично трае подолго, но дава најдобри и трајни резултати, бидејќи во долготраен, емпатичен однос помеѓу клиентот и терапевтот се откриваат суштинските конфликти, а потоа и се разрешуваат. Психичката енергија заробена во тие конфликти потоа се ослободува, човекот учи подобро да ги обработува своите чувства и ја развива способноста за љубов и работа, што води кон психичко здравје.