Како се лекува кандида во цревата?

Советувам прво да се направи анализа на столица, односно копрокултура, која ќе покаже дали навистина се работи за зголемен број колонии на кандида. При третман на кандида, секогаш се препорачува најпрво промена на исхраната – да се исфрлат шеќерот, млекото и млечните производи, како и пченичното брашно. Ако постои врска меѓу забележаните симптоми и употребата на антибиотици, стероиди или голема количина шеќер, или ако во последно време имало разни заболувања, вирусни инфекции (херпес, Епштајн-Бар синдром и слично) или алергии, тогаш е веројатно да се работи за зголемена активност на кандидата. Третманот се состои во стратегија да се лиши габичката од нејзината природна храна – шеќерот – и да се внесат специфични нутриенти и супстанции кои ја контролираат или уништуваат кандидата. Тоа е често долготраен процес кој трае шест или повеќе месеци. Во првите неколку недели симптомите можат да се засилат бидејќи доаѓа до уништување на габичката во телото, па поради тоа може да е потребна и детоксикација на организмот. Потребно е да се избегнува внесување шеќер во било која форма, вклучувајќи и мед. Во првите неколку недели треба да се избегнува и внесувањето овошје, за уште повеќе да се намали нивото на шеќер, како и храна заснована на габи или конзервирана храна во поголеми количини, бидејќи телото веројатно е веќе сензибилизирано на габички и имунитетот побрзо се обновува ако се избегнуваат овие намирници. Треба да се избегнуваат и сите намирници засновани на процеси на ферментација. Се препорачува и внесување на биотин, односно витамин Б, како и Б-комплекс во капсули без габички; лук – кој има силно антигабично дејство и може слободно да се користи во исхраната или во форма на капсули; каприлна киселина (масна киселина екстрахирана од кокосов орев која уништува габички); маслиново масло, кое е ефикасно во контролата на размножувањето на габичката поради содржината на олеинска киселина; и витамин Ц, кој ги поттикнува одбранбените функции на организмот. Сите овие мерки, заедно со исхрана богата со влакна (овес, свежо зеленчук, интегрални житарки, разни видови грашок, семки од сончоглед, сусам, тиквени семки) и соодветна количина протеини, помагаат во контролата на кандидата и истовремено го намалуваат чувството на замор. Ако промената на исхраната не помогне во отстранувањето на кандидата од цревата, постојат антимикотични лекови за орална употреба со кои може успешно да се излечи состојбата, но е потребно долготрајно и упорно лекување. Советувам, покрај анализата на столица, да се направи и анализа на крвна слика, за да се исклучат други заболувања кои можат да предизвикаат слични симптоми. Доколку копрокултурата покаже нормален резултат, препорачувам да се провери и функцијата на штитната жлезда, бидејќи нејзините нарушувања можат да предизвикаат слични симптоми во варењето и раздразливост, додека анемијата може да се утврди преку вредностите на хемоглобинот во крвната слика. Понатаму, може да се размисли и за консултација со ендокринолог и гинеколог.