Како да го навикнам бебето да заспива само?

Вие сте навистина добра и посветена мајка, нема тука дискусија! Секој треба да се однесува со своето дете онака како чувствува дека е најдобро - нема универзален рецепт. Еве неколку совети: 1) Никако не го приспивајте на раце. Тоа сте го правеле со првото дете и било доволно. 2) Ставајте го во сопствено креветче - не со вас, не во бебешки марами или носилки, само и единствено во креветче. Само рачно го галете. Не разговарајте, не пејте и нека биде потполен мрак. Бебињата и онака добро не гледаат, па брзо ќе им биде здодевно и немаат друго освен себе да го слушаат. Уште е мало за да спие на стомак, но кога ќе почне да го држи вратот, околу 4-5 месец, може да го приспивате на стомак додека го галете по грбот. 3) Нормално е да плаче. Понудете му млеко ако не е гладно, не е мокро и добро е подригнало - тогаш нема простор за дискусија, мора да спие. 4) Обично им треба околу 3 дена да се навикнат на новата рутина. 5) 6 килограми со скоро 2 месеца е одлична тежина, не треба да се грижите. Не го будете ноќе за јадење - ако сам се разбуди во ред е, но постепено намалувајте го тоа. До 3 месец целосно исфрлете ноќно доење, во спротивно ќе се навикне и нема да знае да заспие без цицање. Тоа едно ноќно доење нема значително да придонесе за неговиот развој. 6) Не треба да ви е жал - бебињата треба да научат самите да се забавуваат. Ако имате бебешка столица со играчки и музика, ставете го таму наутро додека завршувате работи со постариот син. Мора да се навикне. 7) Јасно е да се разбереме - не сум за метод „да се остави да плаче“ сам, бидејќи ниту како мајка не би можела тоа да го издржам. Бидете покрај него, галете го, без приказни ноќе, покажете му дека е сигурен - и толку. 8) За тоа што се буди на секој звук, пробајте да пуштите тивка музика - тоа често го прават во градинки, а децата тогаш спијат многу поцврсто. Морате да мислите малку и на себе, бидејќи ако вам не ви е добро, нема да им биде добро ни на децата. Среќно!