Инфективна жлезда на вратот кај дете – што да се прави?

Појавата на лимфни жлезди на вратот, со големина до 1 см, е вообичаена појава кај деца од предучилишна возраст и најчесто следи по инфекции на дишните патишта. Потребно е редовно да се контролира вкупниот број на леукоцити во крвта и леукоцитарната формула, а доколку се појават болки во грлото, засилено лачење плунка и кашлица, лекувањето да се спроведува по препорака на педијатар. На детето може да му се дава Омега 3, пробиотици, а во текот на зимата и витамин Д. Исто така, важно е да се внимава детето да јаде доволно зеленчук и овошје, да се готви здрава храна, и почесто да се води во природа каде има чист воздух, простор за игра и шетање – со тоа состојбата треба да се стабилизира. Доколку детето боледува повеќе од четири пати годишно, потребно е да се обратите кај имунолог.