Главоболка со гадење кај дете двапати месечно - што да направиме?

Најдобро е детето да се однесе на преглед кај детски невролог. Пред тоа можете да направите комплетна крвна слика и биохемиски анализи на крв (за да се исклучи анемија), да го однесете детето на преглед кај детски офталмолог (главоболките можат да се јавуваат и при проблем со видот) и да водите дневник на главоболките - кога се јавуваат, колку често, колку долго траат и дали престануваат по земање на некој лек. Откако ќе се соберат сите наоди, треба да се обратите кај детски невролог, кој врз основа на прегледот и анализите ќе постави дијагноза и, ако е потребно, ќе воведе соодветна терапија.