Ешерихија коли кај партнерот, а бришевите кај мене се уредни - што значи тоа?

Ешерихија коли е бактерија која може да се пренесе по сексуален пат, но не спаѓа во групата причинители на сексуално преносливи болести. Затоа секогаш се препорачува, доколку кај едниот партнер е откриена ешерихија коли, партнерите да се воздржат од сексуални односи додека тој не се излекува. Доколку кај партнерот во спермокултурата е позитивен наодот за ешерихија коли, потребно е да прима антибиотици според антибиограм, а потоа да се провери дали бактеријата е елиминирана. По тоа, слободно може да се продолжи со напорите за бременост. Ешерихија коли кај жената може да се детектира преку вагинален брис со идентификација на причинителот, особено ако вагиналниот секрет спаѓа во трета група, што укажува на присуство на бактериска инфекција во вагината. За целосна дијагностика може да се направи и преглед на урин и урино­култура.