Дали Небилет и Биол можат да се комбинираат?

Небилет се користи во терапија на хипертензија и срцева слабост, како додаток на стандардната терапија. Биол (бисопролол) припаѓа на групата бета-блокатори. Овие лекови влијаат на одговорот на телото на некои нервни импулси, особено оние во срцето. Како резултат, бисопрололот го забавува срцевиот ритам и на тој начин ја зголемува ефикасноста на срцето при пумпање на крвта. Биол е наменет за лекување на покачен крвен притисок (артериска хипертензија), симптоми/болка во градите поради стеснување на коронарните артерии (ангина пекторис). Исто така, Биол ги ублажува симптомите на хронична срцева слабост, која настанува кога срцевиот мускул е премногу слаб за да пумпа доволно крв во циркулацијата. Се користи во комбинација со други лекови наменети за терапија на ова заболување, како АЦЕ инхибитори, диуретици и кардиотонични гликозиди. Генерално, не е опишана меѓусебна негативна фармакодинамска интеракција меѓу овие два лека, односно не е опишано потенцирање на несакани ефекти на едниот наспроти другиот лек.