Дали кандидијазата може да биде поврзана со автоимуно заболување?

Кандидијазата мора да се лекува, бидејќи нелекувана може да доведе до компликации. Покрај самото лекување на габичната инфекција, важно е да се утврди причината — односно дали постои некое органско заболување кое го слабее имунитетот и стои зад клиничката слика. Треба да се земат предвид и начинот на исхрана, навиките, пушењето, употребата на штетни материи, видот на работа, стресот и неговите причини. Пациентот треба да се третира како целина — преку разговор, активно слушање и препознавање на неговите чувства, потреби и внатрешни конфликти. Само со таков однос, заедно со соодветните медицински средства, се постигнуваат најдобри резултати во лекувањето.