Дали е потребна контрола при земање синтетичко железо?

Лекувањето на анемија бара повремени контроли на нивото на железо во организмот заради следење на ефикасноста на терапијата. Долготрајното земање препарати на железо може да доведе до покачени вредности на железо во организмот, а со тоа и до негово токсично дејство. Доколку земате некој препарат на железо, се препорачува консултација со хематолог за лабораториски контроли, врз основа на кои евентуално ќе се коригира дозата на препаратот или, доколку вредностите на железото се нормализирале, лекот целосно ќе се исклучи.