Чувство на гушење и недостиг на воздух при одење - кои се можните причини?

Чувството на недостиг на воздух може да има различни причини. Затоа е неопходно да се обратите кај својот лекар за да се дојде до вистинска дијагноза врз основа на детална анамнеза, клинички преглед, анализи и дијагностика. Чувството на гушење може да биде од кардиолошко потекло, потоа последица на заболувања на дишните патишта, заболувања на гастроинтестиналниот тракт, анемија, заболувања на штитната жлезда, а на крај може да има и психичка основа. Како што гледате, нарушувањата кои можат да доведат до гушење се бројни, затоа е неопходен детален лекарски преглед за да се дојде до вистинската причина.