Болка во левото рамо што се шири кон раката, при уредни наоди на срцето - што може да биде причина?

Според опишаните симптоми, најверојатно се работи за интеркостална невралгија, односно притисок врз нервот што минува во просторот меѓу две ребра. Ова најчесто се поврзува со неповолна положба при спиење, носење товар, промени во градниот дел на 'рбетот или отстапување од нормалната положба на 'рбетот. Советувам преглед кај матичен лекар, кој потоа може да упати кон физијатар и ревматолог. Ревматолозите можат да применат аналгетски инјекции директно на болните места, а по потреба и кортикостероиди за намалување на воспалението. Физијатарот може да покаже соодветни вежби за грбот. Се препорачува и преглед кај пулмолог, за да се исклучат сраснувања на плеврата (белодробната обвивка), кои исто така можат да предизвикаат болка во тој правец (можна плевродинија).