Болка во градната коска и вратот со пукање - дали може да се земе лек од групата на болкоуспорители?

Болката во пределот на градната коска може да има различно потекло, но најчесто се работи за костохондритис, односно воспаление на спојот меѓу ребрата и градната коска. Ако постои болна осетливост при допир на местото каде ребрата се спојуваат со градната коска, тоа укажува на воспаление. Костохондритисот е најчесто безопасна и минлива состојба. Можете по потреба да земете лек од групата на нестероидни антиинфламаторни лекови, кој ќе ви ги ублажи болките. Исто така, избегувајте спортски активности, особено вежби за горниот дел на телото, додека воспалението не се смири. Доколку болката не поминува, а притом чувствувате да се шири кон раката и вилицата или имате отежнато дишење, неопходно е да се јавите на лекар за преглед и дополнителни анализи, бидејќи понекогаш е тешко да се разликува болка со потекло од срцето од костохондритис.