Што е лимфангиом на глутеалната регија и како се лекува?

Лимфангиомот е бенигн тумор, односно вроден пореметување во развојот на лимфните садови. Најдобар метод на лекување е операција, но проблем настанува кога целосното отстранување на промената не е можно поради ризик од оштетување на други важни структури во околината (нерви, крвни садови и слично). Во такви случаи чест проблем се рецидивите, односно повторниот раст на промената. Решение може да биде повторна операција или склерозирање на туморот со ласер или со инјекција на вакцина од streptococcus pyogenes (ОК-432). За најдобар начин на лекување потребно е да се консултирате со вашиот лекар или да побарате специјалист што добро ја познава оваа болест. Мелеми и лекови во секој случај нема да помогнат. Најдобро е да се обратите до специјалист за крвни садови (ангиолог) или евентуално васкуларен хирург.