Како да се третира постоперативна рана?

Сите хируршки рани треба да се третираат внимателно и по вадењето на конците. Препорачливо е да продолжите со ставање јод, а по потреба и водород пероксид 3%, за да се дезинфицира раната. Превивање не е потребно. Исто така, треба да се избегнуваат потешки физички напори, при што нивно постепено воведување може да се очекува 2-3 недели по операцијата, за зголемениот интраабдоминален притисок да не предизвика проблем со раната. Не се препорачува употреба на сапун или други средства за хигиена директно на раната. Доколку се појави црвенило, отек или топлина околу раната, тоа се знаци на инфекција и во тој случај е потребно соодветно лекување, по потреба со маст на база на антибиотик, а кај посериозна инфекција и со системски антибиотик.