Дебелина по операција на камен во жолчното кесе - што да правам?

Кај камења во жолчното кесе, како и по хируршка интервенција, потребен е дијететски режим на исхрана. Потребно е да научите да се храните во согласност со вашата здравствена состојба и метаболизам. Препорачливо е да се јавите кај нутриционист, кој ќе ви даде едукација и ќе изработи план за исхрана. Хируршката интервенција никако не влијае на метаболизмот. До дебелина доаѓа кога внесот на храна е поголем од потребите на организмот и потрошувачката. Во правилната исхрана е важен изборот на намирници, комбинацијата на намирници, времето на оброците, начинот на подготовка на храната, како и количината на храна.