Болка во стомак и грб по операција на камен во жолчно кесе - што може да значи?

Потребно е да се направат лабораториски анализи на крвта, со посебен осврт на црниот дроб и панкреасот (вкупен и директен билирубин, АСТ, АЛТ, ГГТ, АЛП, ЛДХ, како и панкреасна амилаза и липаза), а исто така и ултразвук на абдомен. Ако резултатите се уредни, следен корак е компјутеризирана томографија (КТ) на абдомен, со цел да се исклучи можноста од ситни камчиња во жолчните патишта. Доколку и КТ наодот е уреден, тогаш се препорачува гастроскопија, бидејќи во тој случај болката најчесто потекнува од желудникот или дванаесетопалачното црево.