Зошто по породувањето имам црвени и накрвавени очи што траат месеци?

Бременоста и периодот по породувањето носат низа промени во организмот предизвикани од хормоналниот статус на жената во тој период. Понекогаш доаѓа до појава на сувост во очите поради промена во квалитетот и производството на солзи, што може да предизвика црвенило, чувство на гребење, пецкање и слично. Препорака е да се почне со користење на вештачки солзи без конзерванси, неколку пати дневно. Доколку по извесно време тегобите не се намалат, задолжително треба да се посети офталмолог, бидејќи може да се работи и за друга причина.