Што може да предизвика трепкање на прстенликот на левата рака во мирување, кое трае десет дена?

Според описот на тегобите, можно е да се работи за компресија на нерв кој ги инервира мускулите што го движат тој прст (n. ulnaris). Потребно е да се направи дополнителен неуролошки преглед за да се утврди дали постојат и други придружни тегоби со истиот или другите прсти, како послаб осет (хипоестезија), кој со времето може да прогресира до целосна анестезија (потполн губиток на осет). Болката и парестезиите — најчесто во облик на трнење, печење, мравки, пробивање или чувство како да ве боцка со игли — можат да се шират од зглобот на раката кон дланката и прстите, или кон лактот и рамото. Препорачливо е да се одмара раката, односно дланката, во наредниот период. Доколку симптомите продолжат, потребно е да се посети неуролог со кој би можеле да се направат дополнителни анализи, евентуално и електромионеурографија (ЕМНГ), со цел да се процени спроводливоста на нервните импулси кон мускулите. Без детален неуролошки преглед тешко може да се утврди точната причина, но според наведените симптоми, најверојатно се работи за компресија на нерв и мускул. Доколку тегобите продолжат, задолжително треба да се посети неуролог.