Што може да предизвика краткотраен губиток на свест?

Врз основа на описот, состојбата укажува на ортостатска хипотензија. Станува збор за состојба на прекумерен пад на крвниот притисок при заземање исправена положба на телото. Се манифестира со вртоглавица, замаглен вид, нестабилност, конфузија и краткотраен губиток на свест. Овие симптоми можат да бидат посебно изразени и по мокрење, дефекација и слично. Важно е лицето при промена на положбата на телото од лежечка или седечка во исправена позиција да го прави тоа со бавни и контролирани движења. Исто така, одредени лекови можат да предизвикаат ортостатска хипотензија како несакан ефект, поради што се препорачува консултација со лекар.