Силна болка во крстите со ишијалгија која не поминува ни по инјекции - што може да биде причината?

Можно е болката да е последица од заболување на интервертебралните дискови, односно лумбоишијалгија, но потребно е да се направи дополнителна дијагностика - рендген на лумбосакралниот дел на колоната, рендген на карлицата и колковите, лабораториски анализи и клинички преглед. Терапијата која веќе ви е дадена има за цел да ја намали болката, што е препорачано во оваа фаза, додека не почувствувате подобрување, а потоа треба да се направи останатата дијагностика. Препорака е да се јавите на својот лекар по примената терапија, или порано доколку болката продолжи да е силна.