Постојана нервоза и бес поради болест во семејството - како да се смирам?

Го разбирам чувството на бес, лутина, огорченост и вознемиреност - навистина е тешко. Решенијата можат да бидат различни. Прво обидете се да побарате помош околу негата на болниот член на семејството, како од роднини и пријатели, така и преку здравствени и социјални институции. Обидете се да разговарате со блиските за тоа како се чувствувате и кои се вашите потреби. Размислете дали нездравите емоции можете да ги претворите во здрави - на пример, бесот во лутина, огорченоста во загриженост, завидливоста во сочувство. Во тоа може многу да помогне психотерапија, но и здрав, пријателски однос со личност која има подобро развиени способности за справување со емоции и е позрела од вас. Сето ова бара труд, време и трпение. Исто така, размислете за нештата во животот за кои сте благодарни - веројатно ќе откриете дека има многу такви работи.