Дали е оштетен френичниот нерв или се работи за нешто друго?

Пресекувањето на n. phrenicus во пределот на вратот резултира со целосна парализа и евентуална атрофија на мускулниот дел на соодветната половина на дијафрагмата, освен кај лица кои имаат акцесорен френичен нерв. Хемидијафрагмалната парализа може да се препознае радиографски, односно преку РТГ снимка на белите дробови, преку трајно подигнување на парализираниот дел од дијафрагмата и нејзините абнормални движења. Освен спуштањето при вдишување, тој дел се турка нагоре поради зголемениот интраабдоминален притисок, што е спротивен ефект од спуштањето на непарализираната половина на дијафрагмата. Целосната моторна инервација на дијафрагмата ја обезбедуваат десниот и левиот френичен нерв, кои доаѓаат до дијафрагмата од нејзината долна површина. Френичните нерви исто така даваат влакна за болка и проприоцепција за најголемиот дел од дијафрагмата. Периферните делови на дијафрагмата примаат сензорна инервација преку интеркосталните нерви (долните шест или седум) и субкосталните нерви. Најдобро би било да се направи РТГ снимка, при што на снимката ќе се видат куполите на дијафрагмата. Доколку снимката е нормална, тоа значи дека не се работи за пресекување на френичниот нерв. Во зависност од резултатите, потребно е да се обратите кај матичниот лекар, кој понатаму ќе упати кон соодветен специјалист.