Зошто температурата трае десет дена и покрај ковид терапија, а сатурацијата е добра?

Кај повишена температура која трае веќе десет дена, дефинитивно треба да се направи рендген на белите дробови, бидејќи понекогаш при слушање на белите дробови не може да се утврди пневмонија предизвикана од ковид-19. Исто така, потребно е повторно да се направат крвни анализи – комплетна крвна слика, ЦРП и Д-димер. Доколку овие наоди покажуваат раст, заедно со наод на белите дробови, можеби постои индикација за болничко следење. Добра сатурација е многу поволен знак, но и покрај тоа, со оглед на возраста и долготрајната повишена температура, потребно е поголемо внимание и понатамошна проверка.