Негативен брз антигенски тест, но има болки во грлото — потребен ли е ПЦР тест?

Се случува тестот да не покаже позитивен резултат, а сепак да постојат симптоми на инфекција со ковид 19. ПЦР тестот е повалиден. Без разлика дали некој тест ќе покаже позитивен или негативен резултат, најважни се симптомите и развојот на болеста. Затоа е добро внимателно да се следат симптомите — доколку се појави покачена телесна температура, изразена малаксаност, кашлица или отежнато дишење, потребно е да се побара лекарски преглед, каде надлежните лекари ќе одлучат дали е потребна терапија. До тогаш, се препорачува внесување на повеќе топли течности за ублажување на болката во грлото.