Зошто крвниот притисок останува висок и покрај терапијата, а холестеролот е повишен?

Покачен крвен притисок, односно хипертензија, може да биде со непознат причинител, што најчесто се нарекува есенцијална хипертензија, или со познат причинител, кога се говори за секундарна хипертензија. Првите чекори треба да бидат детална обработка на хипертензијата, односно лабораториски анализи, преглед на срце и бели дробови, преглед на очното дно, ултразвук на стомак, а потоа регулирање на притисокот со дијета со намален внес на сол и масти, зголемена физичка активност, психофизичко релаксирање, редукција на телесната тежина и слично. Лекови се најчесто неопходни, а почетната доза се постепено зголемува, при што често се додава втор или трет лек од различни групи, со цел оптимално регулирање на крвниот притисок. Препорачливо е да се обратите кај својот избран лекар или интернист за понатамошна дијагностика и лекување.