Што значи покачена креатин киназа (CK) кога останатите анализи се уредни?

Креатин киназата (CK) е ензим кој се наоѓа во попречно-пругастите мускули на телото, а во помала мера и во срцевиот мускул. Секоја траума или оштетување на мускулното ткиво може да доведе до пораст на овој ензим. Причини за тоа можат да бидат повреда, удар во мускул, воспаление на мускул по интензивно вежбање, хируршки интервенции, намалена функција на штитната жлезда, епилептични напади, мускулна дистрофија и дерматомиозитис, а понекогаш и интрамускулна инјекција. Кога е оштетен срцевиот мускул, покрај CK се покачува и посебниот, поспецифичен ензим CK-MB. Во случај на покачена CK потребна е контрола кај лекар, за да се исклучат или потврдат некои од наведените причини.