Што може да значи чувство на пецкање и 'бодење' во пределот на левата гради?

Пецкањето и чувството 'како бодење со нож' обично не се поврзани со заболувања на кардиоваскуларниот систем и во повеќето случаи не се опасни. Со оглед на тоа што сте пушач и имате страв, односно 'напади на паника', би требало да се направи проценка на кардиоваскуларниот ризик, односно тест со физичко оптоварување. Тоа би значело да си вратите самодовербата, да не размислувате постојано за срцето и ризикот, да го намалите 'прагот' на болка и да го подобрите квалитетот на живот. Овие тегоби можат да бидат поврзани со рбетниот столб, невралгија или мускулно-скелетниот систем.