Проблем со покачен крвен притисок

Се препорачува прво темелна обработка на хипертензијата кај избраниот лекар, што вклучува комплетни лабораториски анализи со биохемија, ехо на абдомен, рендген на бели дробови и срце, доплер на крвните садови на бубрезите, ехо на штитната жлезда, хормони ФТ4 и ТСХ, преглед на урина, преглед на очно дно кај офталмолог и кардиолошки преглед. Крвниот притисок не е добро регулиран, а тоа е пред сè интернистички проблем. Стресот и напнатоста можат да ги влошат тегобите, но хипертензијата е болест која мора да се испита и лекува, со соодветна исхрана со намален внес на масти, сол и слатки, доволно движење, релаксација и редовна терапија.